Машка и женска психологија

Опис

12.12.2023

18:00-20:30

Какви се мажите психолошки, а какви се жените?

На оваа тема имплицитно се зборува многу, а сепак не ја чувствуваме како некоја посебно важна тема или дискусија. Во модерното време, свесни сме дека и мажите и жените се паметни, вредни, одговорни, имаат свои соништа и потреби, и мажите и жените се радуваат и плачат, љубат и страдаат; па така и не е баш најјасно дали воошто постои специфична машка и специфична женска психологија. Сепак, сите имаме некои наши специфични замисли, убедувања и доживувања за себеси и својот пол, како и за спротивниот пол. Во голем дел, социо-културолошкиот аспект ги обликува и мажите и жените.

Ве поканувам за заеднички интерактивен вебинар на кој ќе ја истражуваме „машкоста“ и „женскоста“, попатно ќе разбиеме некои митови, а ќе го зачиниме разговорот со наука и истражувања.

• Ќе започнеме од Карл Јунг, и неговите архетипи: за анимусот во женската психа и анимата во машката психа. Како овие несвесни аспекти се манифестираат и развиваат во нашите животи, во односот со себе, со другите и со светот?
• За машко – женското пријателство
• За машката и женската сексуалност
• За машкиот и женскиот емоционален живот
• За машката и женска комуникација

Колку и во што се мажите и жените слични, а колку и во што се различни?

Што значи да се биде маж, а што значи да се биде жена?

Што е она кое не го разбираме за спротивниот пол, а би сакале подобро да го разбереме?

На овој вебинар, ќе ги отвориме истите, а истовремено ќе се обидеме да дадеме една историско-психолошка перспектива и социо-културолошки контекст во кој обата пола се развиваат, обликуваат и се менуваат.